தமுமுக

அல் அய்ன் மண்டல தமுமுகவின் சார்பில் பெண்களுக்கான இஸ்லாமிய நிகழ்ச்சி

2012-01-28T20:13:00.001-08:00

அல்லாஹ்வின் கிருபையால் அல் அய்ன் மண்டல தமுமுகவின் சார்பில் பெண்களுக்கான இஸ்லாமிய உள்ளரங்கு நிகழ்ச்சி (இன்று) 27-01-2012 மக்ரிப் தொழுகைக்கு பின்னர் நடைபெற்றது.கத்தாரா கிளை தமுமுக தலைவர் காட்டுமன்னார்குடி சகோதரர் அஸ்கர் அலி தலைமை தாங்கினார்.மண்டல உலமாக்கள் அணி செயலாளர் கொள்ளுமேடு முஹம்மது ரிபாயி திருக்குர்ஆன் விளக்கவுரை நிகழ்த்தினார்.

அமீரக தமுமுக தலைவர் சகோதரர் அதிரை அப்துல் ஹாதி தியாகம் என்ற தலைப்பில்,சஹாபா பெண்மணிகள் தங்களது ஈமானுக்கு கொடுத்த முக்கியத்துவம் குறித்து உரையாற்றினார்.நமது மறுமை வாழ்க்கைக்காக இம்மையில் நாம் தயாரிப்பு செய்ய வேண்டியதன் அவசியம் குறித்து தனது உரையில் வலியுறுத்தினார்.
இறுதியாக மண்டல பொருளாளர் நாச்சிகுளம் சகோதரர் அசாலி அஹமது நன்றி கூறினார்.இந்நிகழ்ச்சியில் அல் அய்னில் வசிக்கும் தமிழக சகோதரிகள் தங்களது கணவர், குழந்தைகளுடன் பெருமளவு கலந்து கொண்டனர்.

தமுமுக-வின் அமீரக நிர்வாக குழு மற்றும் செயற்குழு கூட்டம்

2012-01-20T06:30:00.000-08:00

தமிழ் நாடு முஸ்லிம் முன்னேற்றக்கழகத்தின் அமீரக நிர்வாக குழு மற்றும் செயற்குழு கூட்டம் இன்று 20 -01 -2012 வெள்ளிக்கிழமை காலை 10 மணிக்கு துபையில் இறைவன் அருளால் சிறப்பாக நடந்து முடிந்தது . அல்ஹம்து லில்லாஹ் .

ஷார்ஜாவில் திருக்குரான் வகுப்புகள்

2011-12-17T07:58:00.001-08:00

ஷார்ஜாவில் 4 வயது முதல் 15 வரை உள்ள மாணவர்களுக்கு திருக்குரான் தஜ்விது வகுப்புகள் வெள்ளிக்கிழமைகளில் காலை9 மணி முதல் 11 மணிவரை நடைபெறுகிறது மேலும் விபரங்களுக்கு தொடர்பு கொள்ளுங்கள் 055-6800275,06-5448539

ஷார்ஜா-வில் நடைபெற்ற இலவச மருத்துவ முகாம் (09.12.2011)

2011-12-10T04:04:00.000-08:00

ஷார்ஜா தமுமுக மர்கஸில் 01.12.2011 அன்று நடைபெற்ற கல்வி விழிப்புணர்வு நிகழ்ச்சி

2011-12-02T03:23:00.000-08:00

அல்அய்ன் இரத்ததான முகாம்

2011-11-25T04:37:00.000-08:00

ஜிமி பகுதி கிளை தமுமுகவின் சார்பில் அறிமுக மற்றும் மார்க்க விளக்க நிகழ்ச்சி

2011-11-25T04:30:00.000-08:00

அல் அய்ன் மண்டலத்திற்குட்பட்ட ஜிமி பகுதி கிளை தமுமுகவின் சார்பில் அறிமுக மற்றும் மார்க்க விளக்க நிகழ்ச்சி இன்று வெள்ளிக்கிழமை (18.11.2011)மக்ரிப் தொழுகைக்கு பின்னர் மண்டல தமுமுக பொருளாளர் நாச்சிகுளம் அசாலி அஹமது தலைமையில் நடைபெற்றது.கதாரா கிளை தமுமுக தலைவர் காட்டுமன்னார்குடி அஸ்கர் அலி திருக்குர்ஆன் ஓதி வரவேற்புரை ஆற்றினார்.மேலப்பாளையம் மவ்லவி பஷீர் அகமது பைஜி இறைசிந்தனை என்ற தலைப்பில் உரையாற்றினார்.முன்னாள் மண்டல தலைவர் கொள்ளுமேடு முஹம்மது ரிபாயி இரத்த தானம் செய்வதன் அவசியம் குறித்து விளக்கி பேசினார்.அமீரக தமுமுக செயலாளர் யாசின் நூருல்லாஹ் இயக்க ஊழியர்களிடம் இருக்கவேண்டிய தன்மைகள் குறித்து விளக்கினார்.அமீரக தமுமுக துணை செயலாளர் டாக்டர் அப்துல் காதர்,இயக்கம் கடந்து வந்த பாதையை குறித்து நினைவு கூறும் வகையில் உரையாற்றினார்.ஜிமி கிளை பொருளாளர் ஜாகிர் ஹுசைன் நன்றியுரை ஆற்றினார்.முன்னதாக ஜிமி கிளை தலைவராக திருச்சி எம்.முஹம்மது சித்திக் செயலாளராக வேதாளை ஹமீது சுல்தான் பொருளாளராக அபிராமம் ஜாகிர் ஹுசைன் ஆகியோர் நியமிக்க பட்டனர்.இந்நிகழ்ச்சியில் என்சி கேம்ப்,மற்றும் எம்பிஎம் கேம்ப் மற்றும் ஜிமி பகுதியில் வசிக்கும் தமிழக சகோதரர்கள் கலந்து கொண்டனர்.

ஷார்ஜா த.மு.மு.க புதிய நிர்வாகிகள் தேர்வு

2011-11-18T20:11:00.001-08:00

ஷார்ஜா த.மு.மு.க புதிய நிர்வாகிகள் தேர்வு 17-11-2011 அன்று ஷார்ஜா தமுமுக மர்கஸில் அமீரக மண்டல தலைவர் சகோதரர் அப்துல் ஹாதி தலைமையில் நடைபெற்றது.முன்னதாக முன்னால்நிர்வாகிகள் தங்கள் பொறுப்புகளை அமிர நிர்வாகத்துடன் ஒப்படைத்தனர்.பின்னர் மண்டல செயலார் இப்ராஹீம் அவர்கள் கீராத் ஓதி தொடங்கி வைத்தார்.அமீரக தலைவர் அப்துல் ஹாதி அவர்கள் புதிய பொறுப்புக்கு வருபவர்கள் தங்கள் பொறுப்புகளை எவ்வாறு அமைத்து கொண்டு மார்க்க ரீதியில் செயல் படவேண்டும் என்று உரை நிகழ்தினார்.பின்னர் புதிய நிர்வாகிகள் தேர்வு செய்யப்பட்டனர்.

தலைவர். அபுல்ஹசன் தோப்புதுறை.

துணை தலைவர். ஜெய்னுதீன்(பொதக்குடி)

செயலாளர். இப்ராஹீம் தோப்புதுறை,

பொருலாளர்.சர்புதீன் லப்பகுடிகாடு

இணை செயலளார்கள்,

சதாம் உசேன்.(புளியங்குடி) M. ஜஹபர்சாதிக்,(அதிராம்பட்டினம்)

F. மன்சூர்அலி (அதிராம்பட்டினம்) வேதளை .A.H.குலாம் முகம்மது

தாவா பிரசாரம் பேரவையாக ஹஜ்ரத் அன்வர் உலுமி அவர்கள் தேர்வு செய்யப்பட்டனர்,இறுதியில் துவா ஓதி நன்றி உரையாற்றினார்கள்.முன்னதாக வாரந்திர நிகழச்சியில் சகோதரர் அப்துல் ஹாதி அவர்கள் தியாகம் என்ற தலைப்புபில் சிறப்புரையாற்றினார்கள்.புகழ் அணைத்தும் இறைவனுக்கே

அல்-அய்ன் தமுமுகவின் தியாகத் திருநாள் விழிப்புணர்வு நிகழ்ச்சி....

2011-10-29T21:23:00.001-07:00

அல் அய்ன் மண்டல தமுமுக சார்பில் எதிர் வரும் தியாகத் திருநாளின் சிறப்புகளை விளக்கி 28/10/2011 வெள்ளிக்கிழமை மக்ரிப் தொழுகைக்கு பின்னர் மார்க்க விளக்க பொதுக் கூட்டம் அல் அய்ன் மஜியாத் கிளின்கோ கேம்ப்பில் நடைபெற்றது. மேலப்பாளையம் மவ்லவி பஷீர் பைஜி தலைமை தாங்கினார். லால்பேட்டை மவ்லவி பைஜூர் ரஹ்மான் திருக்குர்ஆன் விளக்கவுரை ஆற்றினார்.

துபை மண்டல தமுமுக முன்னாள் தலைவர் மதுக்கூர் அப்துல் காதர் அவர்கள் இறைத்தூதர் இப்ராஹீம் அவர்களின் தியாகத்தை விளக்கி உரை நிகழ்த்தினார். அமீரக தமுமுகவின் செயலாளர் யாசீன் நுருல்லாஹ் மமகவின் வளர்ச்சியை விளக்கி உரையாற்றினார்.அமீரக தமுமுகவின் துணை செயலாளர் டாக்டர் அப்துல் காதர் இயக்கம் தொடர்பாக சில அறிவிப்புகளை செய்தார்.

கிளின்கோ கேம்ப் கிளை தலைவர் ஹபீப் ரஹ்மான் நன்றியுரை நிகழ்த்தினார்.அல் அய்ன் நகரின் பல்வேறு பகுதிகளிலிருந்து ஏராளமான சகோதரர்கள் இந்த நிகழ்ச்சியில் கலந்து கொண்டனர்.கிளின்கோ மஜியாத் கிளை சகோதரர்கள் நிகழ்ச்சிக்கான ஏற்பாடுகளை சிறப்பாக செய்திருந்தனர்.

அல்-கோபர் தமுமுக நிர்வாகிகள் தேர்வு

2011-10-21T22:09:00.001-07:00

தமிழ்நாடு முஸ்லிம் முன்னேற்றக் கழகம் இன்று இறைவனின் உதவியால் உலகமுழுவதும் கிளைகள் அமைத்து சமுதாயப் பணி செய்துவருது அனைவரும் அறிந்ததே!.தமிழ்நாடு முஸ்லிம் முன்னேற்றக் கழகம் வாயலவில் மட்டும் ஜனநாயகம் பேசாமல் அதை முறையே அமல்படுத்துவதிலும் முதன்மையான அமைப்பாக திகழ்கிறது.

இதனைத் தொடர்ந்து சவூதிஅரேபியா கிழக்கு மாகாணம் அல்கோபர் கிளையின் நிர்வாகிகள் தேர்வு இன்று 14-10-11 மதியம் 1:00மணியளவில் நடைபெற்றது. இந்நிகழ்ச்சியில் மண்டலத் தலைவர் சகோ.ஷஃபியுல்லாகான், மண்டலத்துணைத்தலைவர் சகோ.அப்துல்காதர், மண்டலத்துணைத்தலைவர் சகோ.ஜக்கரியா, மண்டலச்செயலாளர் சகோ.இஸ்மாயில் மற்றும் மண்டலப்பொருளாளர் சகோ.நஸ்ருதீன்ஷாலிஹ். துணைச்செயலாளர்கள் சகோ.அஸ்ரப், சகோ.இம்தியாஸ், சகோ.சீனிமுஹம்மது மற்றும் திரளாக அல்-கோபர் நிர்வாகிகள் மற்றும் உறுப்பினர்கள் கலந்துகொண்டனர்.

நிகழ்ச்சியின் தொடக்கமாக சகோ.ஐய்யூப் நஸ்ருதீன் கிராத்துடன் தொடங்கிவைத்தார் பின் வந்திருந்த மக்களுக்கு ஒழுக்கத்தின் அவசியத்தையும் அதன் சிறப்பையும் விளக்கினார். பின் தேர்தல் அதிகாரியான மண்டலத்துணைத்தலைவர் சகோ.அப்துல்காதர் தேர்தலின் விதிமுறைகளை விளக்கியபின் அல்கோபரின் பழைய நிர்வாகிகள் புது நிர்வாகிகளை தேர்ந்தெடுப்பதர்காக தங்கள் பதவிகளை ராஜனாமா செய்தார்கள். அதனைத் தொடர்ந்து வந்திருந்த உறுப்பினர்கள் சகோ.இஸ்மாயிலை தலைவராகவும், சகோ.ஹாஜாபஷிரைச் செயலாளராகவும், சகோ.ஷஃபி அஹமதை பொருளாளராகவும் ஏகமனதாகத் தேர்ந்தெடுத்தனர்.

இதனைத் தொடர்ந்து புதிய நிர்வாகிகளின் அறிமுகத்திற்கு பின் மண்டலப் பொருளார் சகோ.நஸ்ருதீன் அவர்கள் புதிய நிர்வாகிகளுக்கு வாழ்த்துடன் கூடிய அறிவுரைகளை வழங்கினார். பின் அமானிதம் பேனுவோம் என்றத் தலைப்பில் மண்டலத்துணைத்தலைவர் சகோ.ஜக்கரியா உரையாற்றினார்.

அதனைத் தொடர்ந்து மக்களின் சந்தேகங்களுக்கு மண்டலத்தலைவர் சகோ.ஷஃபியுல்லாஹ் பதிலளித்தார். பின் அல்கோபர் பொருளாளர் சகோ.ஷஃபி அஹமதுவின் நன்றி உரையுடன் இறைவனின் மாபெரும் கிருபையால் நிகழ்ச்சி இனிதே நிறைவுற்றது.

மக்கள் தொடர்பாளர்

அல்-கோபர்

ஷார்ஜா தமுமுக மர்கஸில் 06.10.2011 அன்று தன்னம்பிக்கை என்ற தலைப்பில் நடைபெற்ற சொற்பொழிவு

2011-10-19T06:54:00.000-07:00

இந்த வாரம் ஷார்ஜா த.மு.மு.க மர்கஸில்

2011-10-03T21:07:00.000-07:00

Dubai TMMK Ifthar Program (27.08.2011)

2011-08-28T22:57:00.000-07:00

துபாய் அல் கிஸைஸ் பகுதியில் தமுமுக மாநில நிர்வாகிகள் யூசுப் மற்றும் கோவை ஜெயினுலாபுதீன் ஆகியோர் சொற்பொழிவாற்றிய நிகழ்ச்சி (24.08.2011)

2011-08-24T11:44:00.000-07:00

உணர்வு பூர்வமாக நடைப்பெற்ற துபை தமுமுக செயற்குழு

2011-08-21T22:25:00.001-07:00

ஐக்கிய அரபு அமீரகம் துபை மண்டல த மு மு க செயற்க்குழு கூட்டம் கடந்த 18 - 08 - 2011 அன்று த மு மு க மர்கஸில் நடைபெற்றது.

த மு மு க தலைவர் மதுக்கூர் அப்துல் காதர் தலைமையில் நடை பெற்ற இச்செயற்க்குழுவை தமுமுக உலமா அணிச் செயலாளர் மௌலவி யூசுப் கிராத் ஓதி துவக்கி வைத்து தமுமுக நிர்வாகிகள் எப்படி நடந்து கொள்ள வேண்டும் என்று உரை நிகழ்த்தினார்.தமுமுக செயற்பாடுகள் குறித்தும் ,பித்ரா , சதக்கா, ஜகாத் திரட்டுவது குறித்தும் விவாதிக்கப்பட்டது.

சோனாப்பூர் , அல்கூஸ், ஹோர்லன்ஸ் , தேரா கிளை நிர்வாகிகள் கலந்து கொண்டனர்.
துபை மண்டல தமுமு க முன்னால் தலைவர் மதுக்கூர் காஜா அமீரக தமுமுக கடந்து வந்த பாதையை நினைவு கூர்ந்தார்.

தமு மு க தலைமைக் கழக பேச்சாளர் கோவை ஜைனுலாபிதீன் சகோதரத்துவத்துடன் நடந்து கொள்வது பற்றி விளக்கமளித்தார்.

துபை மண்டல செயலாளர் அதிரை சாகுல் அமீத் , துனைத்தலைவர் ஹாஜி முபாரக் ,துனைச் செயளாலர் மதுக்கூர் சிராஜ் ,திருப்பந்துருத்தி அப்துல் அஜீஸ், பனைக்குளம் ஹைதர் , அய்யூப், நிஜாம்,நாகூர் யூசுப்,அதிரை அஷ்ரப் , அதிரை அப்துல் காதர், வி.களத்தூர் உமர் பாரூக், திருப்பூர் கலீல், மன்னை அமீன்,இளையான்குடி செய்யது இபுராகிம்,மெலப்பாளையம் ஹக்கீம் ஆகியோர் கலந்து கொண்டு கருத்துக்களை பரிமாரிக் கொன்டனர். உணர்வு பூர்வமாக நடைப்பெற்ற இந்நிகழ்வில் அடுத்த கட்ட பணிகளுக்காக நிர்வாகிகள் அனைவரும் தங்களை தயார்படுத்திக் கொண்டு கலைந்துச் சென்றனர்.எல்லாப் புகழும் இறைவனுக்கே.

ராசல்கைமாவில் நடைபெற்ற ஏகத்துவ எழுச்சி மாநாடு

2011-08-20T01:24:00.000-07:00

எல்லாம் வல்ல இறைவனின் பேரருளால், 19.08.2011 வெள்ளிகிழமை மாலை ராசல்கைமாவில்,கிராண்ட் ரெஸ்டாரன்ட்டில் ஏகத்துவ எழுச்சி மாநாடு சிறப்பாக நடைபெற்றது.தவ்ஹீது எழுச்சி பேரவையும், ராசல்கைமா மண்டல த.மு.மு.க வும் இணந்து நடத்திய இந்த நிகழ்ச்சியில்,தலமையேற்று நடத்திய துபாய் மண்டல த.மு.மு.க தலைவர் அப்துல் காதர் அவர்கள் "மறைவான இணைவைப்பு" என்ற தலைப்பில் சிறப்பான உரை நிகழ்த்தினார்கள். அவர்களை தொடர்ந்து, யு.ஏ.இ மண்டல து.தலைவர் ஹூசைன் பாஷா அவர்களும், கோவை ஜெய்னுலாபுதீன் அவர்கள்,"மரணம் வருவதற்கு முன்னால்: என்ற தலைப்பிலும், யூசுப் SP அவர்கள் "ஏகத்துவம்" என்ற தலைப்பிலும் சிறப்புரையாற்றினார்கள்.
இஃப்தார் உணவு சிறப்பான முறையில் ஏற்பாடு செய்யப்பட்டு இருந்தன. மஹ்ரிப் தொழுகைக்கு பின்பு கேள்வி பதில் நிகழ்ச்சி நடைபெற்றது. சகோதரர்கள் கேட்ட கேள்விகளுக்கு யூசுப் SP அவர்கள் சிறப்பான முறையில் பதிலளித்தார்கள். இறுதியாக மண்டலத் தலைவர் ஹாஜா மொய்தீன் நன்றியுரையாற்றினார்.

ஏரளமான ஆண்களும், பெண்களும் நிகழ்ச்சியில் கலந்துக்கொண்டு பயனடைந்தார்கள். இந்த நிகழ்ச்சி சிறப்பான முறையில் நடைபெற அரும்பாடு பட்ட , ஆதம் ஆரிப்(மண்ணடி காக்கா) உள்ளிட்ட நிர்வாகிகளை அனைவரும் பாராட்டினார்கள்.

தகவல் - தோப்புத்துறை ஹாஜாதீன் - துபாய்

ஷார்ஜாவில் நடைபெற்ற முப்தி உமர் ஷரீப் காசிமி அவர்களின் நிகழ்ச்சி (16.08.2011)

2011-08-18T02:13:00.000-07:00

அபுதாபியில் நடைபெற்ற இஃப்தார் நிகழ்ச்சி

2011-08-18T01:23:00.000-07:00

ஐக்கிய அரபு அமீரகம் அபுதாபி மண்டலம் தமுமுக சார்பாக கடந்த 13-08-2011 சனிக் கிழமை அன்று கேரளா ஷோசியல் சென்டரில் இஃப்தார் நிகழ்ச்சி நடைபெற்றது.

சனையா கிளைத்தலைவர் வாலிநோக்கம் பீர் முகம்மது திருமறைக் குர்ஆன் வசனங்களை ஓதி நிகழ்ச்சியை துவக்கி வைத்தார்.

அபுதாபி மண்டல நிர்வாகி அபுல் ஹசன் வரவேற்புரை நிகழ்த்தினார்

அபுதாபி மண்டலம் தமுமுக செயலாளர் கீழை இர்பான் தலைமையில் நடை பெற்ற இந்நிகழ்ச்சியில் ஐக்கிய அரபு அமீரக தமுமுக நிர்வாகிகள் மற்றும் அபுதாபி தாயிகள் மவ்லவி.ஹிதாயதுல்லாஹ் நூரி, மவ்லவி.இக்பால் உமரி, அமீர் சுல்தான் ஆகியோர் முன்னிலை வகித்தனர்.

ஐக்கிய அரபு அமீரக தமுமுக தலைவர் அப்துல் ஹாதி வணக்கங்களை அதிகரிப்போம் என்ற தலைப்பில் துவக்கவுரை நிகழ்த்தினார்.

தாயகத்திலிருந்து வந்திருந்த தமுமுக தலைமைக்கழகப் பேச்சாளர் கோவை ஜெய்னுல் ஆப்தீன் நபி வழியே நம் வழி என்ற தலைப்பிலும் தமுமுக மாநில உலமா அணிச் செயலாளர் மவ்லவி. யூசுப் எஸ்.பி. இயக்கமாய் செயல்படுவோம் என்ற தலைப்பிலும் உரை நிகழ்த்தினார்.

தாயகத்தில் நடக்கும் தமுமுகவின் செயல்பாடுகளை பற்றி அபுதாபி மண்டலம் தமுமுக தலைவர் பொதக்குடி.தாஜுதீன் விளக்கவுரை நிகழ்த்தினார்.

சனையா கிளைச் செயலாளர் மண்டபம் அப்துல் ரஹ்மான் நன்றியுரை நிகழ்த்தினார்.

நிகழ்ச்சியின் சிறப்புகள்
•    வேலை நாளில் நடத்தப் பட்டது.
•    அனைத்து சகோதர அமைப்புகளுக்கும் அழைப்புவிடபட்டது
•    வெப்பத்தையும் பொருட்;படுத்தாமல் தமுமுக நிகழ்ச்சிக்காக மக்கள் திரண்டனர்
•    பிரதான சாலையிலிருந்து அரங்கம் வரை நமது சீருடையில் வரவேற்பு குழவினர்
•    தமுமுக வின் கலங்கரை விளக்கம் புகைப்பட கண்காட்சிகள்
•    அரங்க முழுவதும் கண்கவர் தமுமுகவின் பேனர்கள்
•    நோன்பு துறப்புக்காக மிகசிறப்பான உயர்தர உணவு ஏற்பாடுகள்

தொழில் அதிபர்கள், அனைத்து சகோதர அமைப்பை சேர்ந்தவர்கள் மற்றும் அபுதாபி வாழ் தமிழ் மக்களும் 300க்கு அதிகமானோர் திரளாக கலந்து கொண்டு பயன் பெற்றனர்.
நிகழ்ச்சி ஏற்பாடுகளை ரசுல், இஸ்மாயில், இம்ரான், உஸ்மான், நாசர், மவ்லவி இஸ்மாயில்ஷா, சுஜாவுதீன், மெய்தீன், சலீம், சாதிக், ஹாஜா, சர்ஃபுதீன், முஸ்தாக், சரவணன் மற்றும் ஸ்டிஃபன் ஆகிய குழுவினர் 10 தினங்களாக கடுமையாக பணி செய்து மக்களை அழைத்தனர்
நிகழ்ச்சியின் இறுதியில் (FEED BACK) குறை நிறைகள் கேட்டறியப்பட்டன எழுச்சியுடன் நடைபெற்ற இந்நிகழ்ச்சி துவா ஓதி நிறைவுற்றது.
அல்ஹம்துலில்லாஹ்

ஷார்ஜா த.மு.மு.க மர்கஸில் சகோதரர் யூசுப் S.P உரையாற்றுகிறார்

2011-08-10T11:23:00.000-07:00

அமீரகத்தில் ரமலான் நிகழ்ச்சிகள்.

2011-08-08T22:44:00.001-07:00

அல் அய்னில் சொற்பொழிவு நிகழ்ச்சி.

அல் அய்ன் மண்டலம் த மு மு க சார்பாக கத்தாரா கிளின்கோ கேம்ப் பள்ளிவாசலில்

கடந்த 05-08 - 2011 அன்று இரவு சொற்பொழிவு நிகழ்ச்சி நடைபெற்றது.

ஐக்கிய அரபு அமீரக செயலாளர் யாசீன் நூருல்லாஹ் சொற்பொழிவு நிகழ்ச்சியை

துவக்கி வைத்து பேசினார்.

அல் அய்ன் மண்டல பொருளாளர் அஸ்ஸாலி நிகழ்ச்சியை தொகுத்து வழங்கினார்.

தாயகத்திலிருந்து வருகை தந்துள்ள

த மு மு க மாநில உலமா அணி செயலாளர் யூசுப் S.P. ,

நோன்பும் அதன் மாண்பும் என்ற தலைப்பிலும்,

தலைமை கழக பேச்சாளர் கோவை ஜைனுலாபிதீன்

மறுமையை நோக்கி என்ற தலைப்பிலும் உரை நிகழ்த்தினர்.

அதனை தொடர்ந்த்து கேள்வி பதில் நிகழ்ச்சியும் நடை பெற்றது.

இதில் ஏராளமான தமிழ் சகோதரர்கள் கலந்து கொண்டு பயன் பெற்றனர்.

சொற்பொழிவு நிகழ்ச்சிக்கு பின் அனைவருக்கும் ஸஹர் உணவு ஏற்பாடு செய்யப்பட்டு

வழங்கப்பட்டது.

அல் அய்னில் தர்பியா மற்றும் இப்தார் நிகழ்ச்சி.

அல் அய்ன் மண்டலம் த மு மு க சார்பாக கடந்த 05-08 - 2011 அன்று மாலை
தர்பியா வகுப்பு நடைபெற்றது. தாயகத்திலிருந்து வருகை தந்து இருக்கும்

த மு மு க மாநில உலமா அணி செயலாளர் யூசுப் S.P , கோவை ஜைனுலாபிதீன்
ஆகியோர் தர்பியா வகுப்பு எடுத்தனர்.
அல் அய்ன் மண்டல தலைவர் சேக்தாவூது இந்நிகழ்ச்சிக்கு தலைமை தாங்கினார்.
செயலாளர் அப்துல் ரகுமான் , பொருளாளர் அஸ்ஸாலி துணைச் செயலாளர்கள்

முஜீபுர் ரகுமான் , பாரூக் , புர்கானுதீன்,கிளைத் தலைவர் அஸ்கர் அலி , யூசுப் ஆகியோர்
முன்னிலை வகித்தனர்.
தர்பியா வகுப்பிற்க்கு பின் நோன்பு துறப்பு நிகழ்ச்சி மிக சிறப்பாக ஏற்பாடு செய்யப்பட்டிருந்தது.

அதனை தொடர்ந்த்து கேள்வி பதில் நிகழ்ச்சியும் நடை பெற்றது. அதில் ஆலோசனைகளும், கருத்துக்களும்
பரிமாறிக் கொள்ளப்பட்டன.

துபையில் ரமலான் தொடர் சொற்பொழிவுகள்.

துபை மண்டலம் டெய்ரா-த மு மு க மர்கஸில் கடந்த 01-08- 2011 முதல் இரவு 10:00 மணிமுதல் 11:00 மணிவரை,

ரமலான் தொடர் சொற்பொழிவு நடை பெற்று வருகிறது. தாயகத்திலிருந்து வருகை

தந்திருக்கும் த மு மு க மாநில உலமா அணி செயலாளர் மவுலவி யூசுப் S.P யும்

தலைமைக் கழக பேச்சாளர் கோவை ஜைனுலாபிதீனும் பற்பல தலைப்புகளில் உரை

நிகழ்த்தி வருகின்றனர். இந்நிகழ்ச்சியை ஐக்கிய அமீரக த மு மு க தலைவர் அப்துல் ஹாதி

துவக்கி வைத்தார். துபை மண்டல முன்னாள் தலைவர் காஜா மைதீன், செயலாளர் ஷாகுல் ஹமீது, துணைச்

செயலாளர் சிராஜ் ஆகியோர் முன்னிலை வகிக்கின்றனர்.

உமர் பாரூக்,அய்யூப்,அப்துல் காதர்,ஹக்கீம்,யூசுப்,செய்யது இப்ராகிம்,அஷ்ரப் ஆகியோர் நிகழ்ச்சியை ஒருங்கிணைக்கின்றனர்.

ஏராளமான தமிழ் சகோதரர்கள் கலந்து கொண்டு பயன் பெற்று வருகின்றனர்.

ஷார்ஜா மண்டல தமுமுக நிர்வாகிகளுடன் மமக துணைப் பொதுச்செயலாளர் அன்சாரி அவர்கள் கலந்துரையாடல் (03.03.11)

2011-03-13T21:12:00.001-07:00

மமக துணைப் பொதுச்செயலாளர் அன்சாரி அவர்களுடன் ராசல்கைமா மண்டல நிர்வாகிகள் சந்திப்பு (11.03.11)

2011-03-13T21:12:00.000-07:00

அபுதாபி தமுமுக சார்பாக நடைபெற்ற நல்லொழுக்கப் பயிற்சி முகாம் (28.01.2011)

2011-02-04T09:55:00.000-08:00

ஷார்ஜா-வில் நடைபெற்ற தமுமுக-வின் அமீரக செயற்குழு (03.02.2011)

2011-02-04T09:54:00.000-08:00

அபுதாபியில் "தர்பியா - நல்லொழுக்க பயிற்சி முகாம் 28/01/2011

2011-01-25T12:09:00.001-08:00

தமிழ்நாடு முஸ்லிம் முன்னேற்றக் கழகம்

அபுதாபி மண்டலம் சார்பாக நடத்தும்

"தர்பியா - நல்லொழுக்க பயிற்சி முகாம்"

இன்ஸா அல்லாஹ்...

வருகின்ற 28/01/2011 வெள்ளிக்கிழமை காலை 9.00 மணி அளவில் நடைபெற இருக்கிறது, சிறப்புரையாளர்கள் :

சகோ.ஹுசைன் பாஷா

( அமீரக த.மு.மு.க துணை தலைவர் )

சகோ.முஹைதீன்

( த.மு.மு.க - துபாய் )

மேலதிக விபரங்களுக்கு 0558878144, 0508715629, 0501306305

ராசல்கைமா-வில் நடைபெற்ற தமுமுக மண்டல நிர்வாகிகள் கூட்டம்

2011-01-17T05:40:00.000-08:00

ஐக்கிய அரபு அமீரகத்தில் உள்ள ராசல்கைமா-வில் தமுமுக மண்டல நிர்வாகிகள் கூட்டம் அமீரக துணைத் தலைவர் ஹூசைன் பாஷா தலைமையில் 14.01.11, வெள்ளிக்கிழமை அன்று நடைபெற்றது. அமீரகத் தலைவர் அப்துல் ஹாதி அவர்கள் சிறப்பு விருந்தினராக கலந்துக் கொண்டு ராசல்கைமா மண்டலத்தை முன்மாதிரி மண்டலமாக கொண்டுவருவதற்கான ஆலோசனையை வழங்கினார். அதனைத் தொடர்ந்து கடந்த காலத்தில் நடைபெற்ற நிகழ்ச்சிகளைப் பற்றியும், எதிர்காலத்தில் ஏற்பாடு செய்யவிருக்கும் நிகழ்ச்சிகளைப் பற்றியும் கலந்தாலோசிக்கப்பட்டது.

மண்டலத்தின் செயல்பாடுகளை தொய்வின்றி செய்ய மர்கஸ் அமைப்பது எனவும், அதற்கு கடியச்சேரி ஹாஜா, மதுக்கூர் பஷீர், ஆதம் ஆரிபின், குடந்தை ஜாபர் ஆகியோர் அடங்கிய குழு மர்கஸ் அமைப்பதற்கான ஏற்பாடுகளை செய்யும் எனவும், மருத்துவமுகாம், இரத்ததான முகாம், வாராந்திய இஸ்லாமிய சொற்பொழிவு நிகழ்ச்சிகள் நடத்துவது எனவும், மக்கள் உரிமை பத்திரிகையின் விநியோகத்தை அதிகப்படுத்துவது எனவும் தீர்மானங்கள் நிறைவேற்றப்பட்டன. மக்கள் உரிமை பொறுப்பாளராக மதுக்கூர் பஷீர் அவர்கள் தேர்வு செய்யப்பட்டார். இறுதியில் துவா ஓதி கூட்டம் நிறைவடைந்தது.

மண்டலத்தின் அனைத்து பகுதியிலிருந்தும் நிர்வாகிகளும், உறுப்பினர்களும் திரளாக கூட்டத்தில் கலந்துக் கொண்டனர். இரவு உணவுடன் கூடிய சிறப்பான ஏற்பாட்டினை மண்டலத் தலைவர் ஜாபர், செயலாளர் ஷாஜஹான் ஆகியோர் தலைமையிலான குழுவினர் செய்திருந்தனர்.

எல்லாப் புகழும் இறைவனுக்கே!

ஷார்ஜா மர்கஸில் கோவை அய்யூப் உரை

2011-01-16T06:35:00.000-08:00

அல்-அய்ன் மண்டல தமுமுக-விற்கு பாராட்டுச் சான்றிதழ்

2011-01-16T06:27:00.000-08:00

அல்-அய்ன் மண்டல தமுமுகவின் சார்பில் கடந்த 2010 ஆம் ஆண்டில் இரண்டு தடவைகள் நடத்தப்பட்ட இரத்த தான முகாம் சேவையை பாராட்டி அல்-அய்ன் மண்டல இரத்த வங்கி சார்பில் பாராட்டு சான்றிதழ் கடந்த வியாழனன்று (13 /01 /2011 ) அல்-அய்ன் மண்டல இரத்த வங்கியில் வழங்கப்பட்டது. இச்சான்றிதழை அமீரக தமுமுக துணை செயலாளர் டாக்டர் அப்துல் காதர் மற்றும் அல்-அய்ன் மண்டல தமுமுக செயலாளர் சகோ மண்ணை ஹாஜா மைதீன் ஆகியோர் நேரில் சென்று பெற்றுக் கொண்டனர்.

ராசல் கைமா மண்டல தமிழ்நாடு முஸ்லிம் முன்னேற்றக் கழகம் கலந்தாய்வு கூட்டம்

2011-01-10T02:35:00.000-08:00

இன்சா அல்லாஹ்... வருகின்ற 14/01/2011 - வெள்ளிக் கிழமை மாலை 4.30 மணிக்கு ராசல் கைமா - அல் நக்கில் - கடியச்சேரி ஹாஜா அவர்கள் இல்லத்தில்

தமுமுக - ராசல் கைமா மண்டல கலந்தாய்வு பொதுக் கூட்டம் நடைப் பெற இருக்கிறது,

கூட்டத்திற்கு சிறப்பு விருந்தினார்களாக அமீரகத்தின் நிருவாகிகளும்,

மண்டல நிருவாகிகளும் கலந்துக் கொள்ள இருக்கிறார்கள்,

இதற்கான ஏற்பாடுகளை குடந்தை ஜாபர் தலைமையில் ஈடுபட்டு வருகின்றனர்.

மேலதிக விபரங்களுக்கு.. 050 1657853 / 050 6903993 / 050 3775996

அல்- அய்ன் மண்டல தமுமுக சார்பில் இரத்த தான முகாம்

2011-01-04T01:51:00.000-08:00

அல்- அய்ன் மண்டல தமுமுக சார்பில் இந்த ஆண்டின் இரண்டாவது இரத்த தான முகாம் 17/12/2010 வெள்ளியன்று மாலை அல்- அய்ன் டவுன் சென்டரில் அமீரக தமுமுக செயலாளர் சகோதரர் யாஸீன் நூருல்லாஹ் அமீரக தமுமுக துணை செயலாளர் சகோதரர் டாக்டர் அப்துல் காதர் ஆகியோரின் மேற்பார்வையில் நடைபெற்றது.

அல்- அய்ன் மண்டல தமுமுக நிர்வாகிகள் முன்னிலை வகித்த இந்நிகழ்வில் அல்- அய்ன் மண்டல இரத்த வங்கிக்காக நடமாடும் இரத்த சேகரிப்பு பேருந்து (mobile blood bank) கொண்டு வரப்பட்டு இரத்தம் சேகரிக்கப் பட்டது.

அதிக அளவில் இரத்த தானம் செய்ய சகோதரர்கள் பெருமளவில் ஆர்வத்துடன் குழுமினர். மருத்துவரின் பரிசோதனையின் பேரில் 60 நபர்கள் மாத்திரமே தானம் வழங்க முடிந்தது.

இம்முகாமுக்காக என்.சி.இ.கேம்ப்,கத்தாரா,ஜிம்மி,கிளின்கோ மற்றும் மஸியாத் கிளைகளிலிருந்தும் அல்- அய்னின் பல்வேறு பகுதிகளிலிருந்தும் சகோதரர்கள் திரண்டு வந்தனர்.

துபை மண்டல நிர்வாகிகளுக்கான தர்பியா முகாம்

2011-01-01T09:54:00.000-08:00

தமிழ்நாடு முஸ்லிம் முன்னேற்றக் கழகத்தின் துபை மண்டலத்தின் சார்பாக ஜனவரி 1 அன்று துபை மண்டல நிர்வாகிகளுக்கான தர்பியா முகாம் மண்டலத் தலைவர் அப்துல் காதர் அவர்கள் தலைமையில் அல் தவார் பூங்காவில் நடைப்பெற்றது,

நிகழ்வின் ஆரம்பமாக சகோதரர் நாகூர் சையத் அலி அவர்கள் படைத்தவனுக்கும் படைப்பினங்களுக்கும் செய்யவேண்டிய கடமைகள் என்ற தலைப்பின் கீழாக உரையாற்றினார், அவரது உரையில் படைப்பினங்களுக்கு செய்யவேண்டிய முக்கிய கடமைகளில் அவர்களை சுவனத்திற்கு அழைத்துச் செல்லும் ஒரே மார்க்கமாம் இஸ்லாத்தின் பக்கம் ஒட்டுமொத்த மனித சமுதாயத்தையும் அழைப்பதுதான் நம் மீது உள்ள முக்கிய கடமை என்று எடுத்துரைத்தார்.

அதன் பிறகு அமீரக தமுமுக துணைத்தலைவர் சகோதரர் ஹுசைன் பாஷா அவர்கள் உளவியல் பாதிப்பு என்ற தலைப்பின் கீழாக உரையாற்றினார், தனது உரையில் உளவியல் பாதிப்புகளை தடுக்கும் வழிமுறைகளை எடுத்துரைத்தார்.

தொடர்ந்து சகோதரர் இப்ராகிம் அவர்கள் இஸ்லாம் விரும்பும் கூட்டமைப்பு என்ற தலைப்பில் உரையாற்றினார், முஸ்லிம் ஜமாஅத் எப்படி இருக்கவேண்டும் என்பதைப்பற்றியும், ஜமாத்தின் நிர்வாகிகளின் செயல்பாடுகளை எந்தவகையில் அமைத்துக் கொள்ளவேண்டும் என்பதையும், யாருக்காக நமது பணியை அமைத்துக் கொள்ளவேண்டும் என்பதைப் பற்றியும் தெளிவாக விளக்கினார். நமது பணியின் இலக்கு இறைவனின் திருப்தியை அடைவதை மட்டுமே நோக்கமாக இருக்கவேண்டும் என்பதை எடுத்துரைத்தார்.

இறுதியாக மண்டல செயலாளர் அதிரை சாகுல் அவர்கள் கலந்துக் கொண்ட நிர்வாகிகள் அனைவருக்கும் நன்றியை தெரிவித்துக் கொண்டு தர்பியா நிகழ்வை நிறைவு செய்தார், எல்லாப்புகழும் இறைவனுக்கே.

நிகழ்ச்சியின் துளிகள்

ஜனவரி 1 அன்று அமீரகம் முழுவதும் விடுமுறை என்பதால் இன்ப சுற்றுலா செல்லக் கூடிய முஸ்லிம் சகோதரர்கள் மத்தியில், நம்மை சுயப் பரிசோதனை செய்வதற்காக நடத்தப்பட்ட நிகழ்வில் துபை மண்டல தமுமுகவின் முக்கிய நிர்வாகிகள் கலந்துக் கொண்டு தங்களை மெருகூட்டிக் கொண்டார்கள்.

டிசம்பர் 31 -12 -2010 , அன்று இரவு சோனாப்பூர் பகுதியில் இளையான்குடியை சார்ந்த உடையப்பன் என்ற சகோதரர் தன்னை இஸ்லாத்தில் இணைத்து இஸ்ஹாக் என்று தனது பெயரை மாற்றிக்கொண்டார் (எல்லாப்புகழும் இறைவனுக்கே) சகோதரர் இஸ்ஹாக் அவர்கள் நிகழ்வில் அழைக்கப்பட்டு கழக சகோதர்கள் மத்தியில் அறிமுகம் செய்யப்பட்டார்.

அபுதாபி சனையாவில்- தமிழ்நாடு முஸ்லீம் முன்னேற்றக் கழக புதிய நிர்வாகம் தேர்வு

2010-12-11T09:00:00.000-08:00

10-12-2010 அன்று அபுதாபி சனையாவில் த மு மு க புதிய நிர்வாகிகள் தேர்வு மண்டல செயலாளர் சகோ.கீழை.இர்பான் தலைமையில் நடைபெற்றது அதில் புதிய நிர்வாகம்அமைக்கபட்டது.

தலைவர் : பீர் முஹம்மது – வாலி நோக்கம்

செயலாளர் : கே.எஸ். நஜ்முதீன்-சென்னை

பொருளாளர் : அப்துல் ரகுமான் - மண்டபம்

துணைச்செயலாளர் : இஸ்மாயில்-திருநெல்வேலி

துணைச்செயலாளர்: சாகுல்- சென்னை

செயல் குழு உறுப்பினர்கள் : முஹம்மது சல்மான்- இளையான்குடி , இப்ராகிம் பாதுஷா- தென்காசி, சுபைர் அலி- அத்திஉத்து

மக்கள் தொடர்பாளர் : இம்ரான்-மேலப்பாளையம்

தேர்தல் அதிகாரிகளாக அபுதாபி நகர தலைவர் தோப்புத்துறை ரசூல் முஹம்மது மற்றும் சகோ.உஸ்மான் ஆகியோர் பணியாற்றினார், அதனை தொடர்ந்து வாரந்திர பயான் நடைபெற்றது.